कधी मी अन कधी ती…

एका अतूट नात्यात बांधलेले तो आणि ती…. 
तिच्यावर जीवापाड प्रेम करणारा "तो" आज त्याच्यावर दृढ विश्वास असणाऱ्या "ती"च्या साठी काहीतरी मनातलं सांगतोय… :)
दो दिल एक जान असलेल्या त्या दोघांसाठी… :) 

कधी ती भासते माझी प्रतिमा…. अन कधी मीच तीचेत प्रतिबिंब….
कधी ती बेधुंद कोसळणारा पाऊस…. अन मी तृप्त धरणी ओलीचिंब….
 
कधी मी व्याकूळ क्षितीज…. अन ती झुकलेलं रुपेरी इंद्रधनुष्य….
कधी मी एक श्वास थांबलेला…. अन ती माझं अख्खं आयुष्य….
 
कधी मी तिची सावली…. अन कधी ती माझ्याच अस्तित्वाची छाया….
कधी मी म्हणजे निस्वार्थ प्रेम…. अन ती वेड्या मनाची वेडी माया….
 
कधी ती नाजूक कळीच सौंदर्य…. अन मी सुगंध दरवळणारा….
कधी ती राधा बावरी माझी…. अन मी तिचा प्रेमवेडा कृष्ण सावळा….
 
कधी ती सुरेख भाऊक नयन…. अन मी अश्रू पापण्यांमागे दडलेला….
कधी मी न सुटणारा गुंता नात्यांचा…. अन ती अतूट धागा अंतरातूनी जोडलेला….

तिचं नि माझं नातं….
असंच काहीसं आगळ वेगळं….
जणू ती माझा ध्यास मी तिचा श्वास….
ती माझ्या जगण्याची आस अन मीच तिचा दृढ विश्वास….
 
- टिंग्याची आई