Alumni Meet

कॉलेजने alumni meet ठेवली आहे आमची…. तेव्हा आठवलेले इंजिनियरिंगचे ते मंतरलेले क्षण इथे बांधायचा प्रयत्न केलाय….
Dedicated to all my friends - EESA batch 2007-08....

येत्या एक दोन आठवड्यात.... कॉलेजने ठेवलीये म्हणे आमची Alumni Meet…
ठाऊक नाही आता एकमेकांना ओळखताही येईल कि नाही नीट….

वाऱ्यासारखी पसरली बातमी.... WatsApp वर ग्रुप पण तयार झाला....
जमेल तसा सगळ्यांचा.... निदान Virtually तरी राम राम झाला....
लेफ्ट ग्रुप चे मेसेज सुद्धा आलेच एक दोन अधून मधून....
काही दिले सोडून.... अन काही पुन्हा आम्हीच add केले मुद्दामून.... :)

ग्रुप इन्फो चाळता चाळता.... बरीच नावं पुन्हा एकदा लक्षात आली....
WatsApp DP काहीही असोत.... पण प्रत्येकाची जुनीच झलक डोळ्यासमोर तरळून गेली....
तेव्हाच अचानक लक्षात आलं.... ग्रुप वर add झालेत HOD सर....
जाणवलं आमचं आम्हालाच.... मन आजही करतंय त्यांचा आदर…
(अजून घाबरतो म्हटलं तरी चालेल ;)
ज्यांच्या-त्यांच्या हुबेहूब style सोबत.... बाकी सर नि mam सुद्धा आठवले....
त्यांनी दिलं हो ज्ञान भरभरून.... आम्ही आपले जमेल तसे डोक्यात साठवले… :)

आठ वर्षं सरली तरीही.... सगळं आठवतंय अगदी जसच्या तसं....
आयुष्य बदलली आमची.... मग कॉलेज तरी बदलायचं राहील कसं....

कॉलेज म्हटलं कि आठवतं बरंच काही….

आठवते ती क्लासरूम अन आम्हीच बदनाम केलेला EESA कट्टा....
अन पार्किंग मध्ये तास तासभर उभं राहून खाल्लेला मस्त कला खट्टा....
अभ्यासाच्या नावाखाली मित्राच्या रूमवर रंगलेला carrom चा डाव....
आणि १००% येणाऱ्या टॉपिक वरही आमचा नेहमीच फसणारा दाव.... :)
गेल्या वर्षीच्या फाईल मधून रीडिंग सकट कॉपी करत पूर्ण केलेलं सबमिशन....
एखादी-दुसरी KT बाकी १०० पैकी ४०… एवढंच आमचं फायनल डेस्टीनेशन…. ;) 

डोक्यात न घुसता डोक्याभोवतीच जास्त फिरणारा lab मधलं circuit च मायाजाल....
Diode capacitor किंवा resistance कशाशीच आमचा जुळत न्हवता ताल...
ऐन परीक्षेच्या आधी झेरॉक्स वाल्याच्या दारात लागलेली रीघ….
किती वाचणार माहित नाही तरीही रूमवर नोटस चा भला मोठ्ठा ढीग….
Attendance असो वा टेस्ट Results…. Defaulter List मध्ये आमची नावं ठरलेली….
राडा कुणी का करेना पण HOD च्या शिव्या खायला अख्खी batch उभी राहिलेली….
अवघे चारच असायचे डबे पण खायला मात्र चाळीसजन हजर….
लेक्चरला proxy मारली म्हणून सरांचा आमच्या नावाने गजर….
अभ्यासापेक्षा external ओरल ला कोण येणार यावरच ठरायचं आमचं रेटिंग….
आणि exam ला मागे पुढे कोण कसं दाखवणार याचंच चालू असायचं सेटिंग….

सुधीर मामांच्या टपरी वरचा मस्त कटिंग आणि बन-सामोसा....
जिथे बिलाचं टेन्शन कधीच नसायचं जरी रिकामा असला खिसा....
इलेक्शन gathering days म्हणजे तर नुसता आपलाच दंगा….
देशी असो वा विदेशी प्रत्येक गाण्यावर आपला ठरलेला असायचा पिंगा….
वर्षभर आलो नाही आलो तरी PL मध्ये कॉलेजच्या रोजच व्हायच्या फेऱ्या….
सोबत notes आणि वह्या मिळवायला Scholor च्या घराच्या वाऱ्या….
कधीही न विसरता येणारी ती फेयरवेलची धमाल रात्र….
कळलंच नाही कधी हातून निसटत गेलं ते सोनेरी क्षणांचं सत्र….
Engg म्हणजे गप्पा दंगा धिंगाणा अगदी दिलखुलास कलेली मस्ती….
अन आयुष्यभर पुरणारी अगदी आजही जपलेली आपली दोस्ती….

असो… तर कसे असतील बर आज सगळे….?

कॉलेज टाईमच्या सगळ्या मिस १००% मिसेस झाल्या असतील….
चिमुरड्यांची ओळख करून देताना बिचाऱ्या पोरांचा मामा बनवतील….
तेव्हाच्या बिनधास्त पोरी आता जबाबदार सुना बनल्या असतील….
मैत्रीच्या क्षणांना उजाळा देताना पुन्हा ताज्यातवान्या होऊन जातील….

वाढत्या जबाबदाऱ्यासोबत पोरांच्या पोटाचा घेरही कदाचित वाढला असेल….
डोळ्यांवर असेल अनुभवाचा चष्मा अन डोक्यावरचं छप्पर सुद्धा उडालं असेल….  ;)
Business, ऑफिस, Family वगैरे सांभाळताना आता Responsible झाले असतील….
अन परिस्थितीचे चटके आमच्यातल्या प्रत्येकालाच बसले असतील….

मुंबई दिल्ली क्या चीज है कुणी सातासमुद्रापार पोचलं आहे….
सगळ्यांच्या अपेक्षांचं ओझं प्रत्येकाने अगदी व्यवस्थित पेललं आहे….
बरंच काही मिळवलं असेल कुणी उत्तुंग शिखर गाठलं असेल….
ऊरभर आत्मविश्वास अन डोळ्यांत त्या यशाचं समाधान दिसेल….

कुणास ठाऊक कशी होईल हि आपल्या सगळ्यांची Alumni Meet….
नक्कीच ठरेल आपल्यासाठी मैत्रीच्या धाग्यांना पुन्हा घट्ट करणारी FriendShip Treat….

Great Things Come in Small Packages.. आपली स्लोगन पुन्हा एकदा आठवूया 
मित्रांनो EESA... EESA... खच्चून ओरडायला आपल्या Alumni Meet ला नक्की या… :) 

- टिंग्याची आई (Shilpax)