खास तुझ्यासाठी त्याने आपलं सगळं जगच बदलून टाकलंय....
गाडीची काच-बीच खराब होईल अशी भलतीच कारणं द्यायचा....
पण आता... Baby On Board चं भलं मोठठं स्टीकर त्याने स्वतः लावून घेतलंय...
आणि हो... हल्ली कार चालवतानाही स्पीड त्याचं आपसूक कमी झालंय....
ह्याच्या गाडीला म्हणे कुणीही हात सुद्धा नाही लावायचा...
आता टाकीवर तुझ्या पैंजणाचे ओरखडे पाहून गालातल्या गालात हसतो...
आणि न चुकता तुला घेऊन रोज एक तरी चक्कर मारतो... :)
तू शाहरुखच्या बडे ला आलास म्हणून भलताच खुश झालाय...
आणि त्याला सोडून आता तो तुझाच फुल्ल फॅन झालाय...
"फॅन" सोडून चक्क "अँग्री बर्ड्स" आवडीने बघायला लागलाय...
त्याच्या चिमुकल्या लेकाचा तोचखरा हिरो बनलाय...
जगातला सगळ्यात मोठा आनंद तिनेच दिलाय असं म्हणतो...
आईविना कधीही न राहणारा बाबा आता एकटा राहायला शिकलाय....
(आई तुला घेऊन माहेरी होती ना एवढे दिवस... :)
तिच्या कुशीत निजलेल्या तान्हुल्याने त्याच्या संपूर्ण जगाचा ताबा घेतलाय...
नाकावरचा राग त्याच्या... तू येताच भूर पळून गेलाय...
सगळ्याच जबाबदाऱ्या आता तो स्वतःच समजून घ्यायला लागलाय...
तू आल्यानंतर बाळा.... आपला बाबा खूप खूप शहाणा झालाय... :)
- टिंग्याची आई
No comments:
Post a Comment